Sunday, February 19, 2012

कोल्हापूर शिवजयंती २०१२

कोल्हापूर शिवजयंती २०१२


बीड शिवजयंती २०१२

बीड जिल्हा शिवमय




युगायुगाच्या अंध रुढीला दृष्टी लाभली भीमामुळे’

प्रतिनिधी । अंबाजोगाई

सुखी संसाराची सोडूनी गाठ, पाऊले चालती पंढरीची वाट व ‘युगायुगाच्या अंध रुढीला दृष्टी लाभली भीमामुळे’ यासह जुन्या व नव्या अवीट मराठी गीतांनी आनंद शिंदे यांची मैफल रंगली. रसिकांनीही त्याला भरभरून दाद दिली.

अंबाजोगाई येथे शिवजन्मोत्सवानिमित्त 17 फेब्रुवारी रोजी वेणुताई चव्हाण महिला महाविद्यालयाच्या प्रांगणात मराठीतील आघाडीचे व सुप्रसिद्ध गायक आनंद प्रल्हाद शिंदे यांच्या संगीत रजनीचे आयोजन करण्यात आले होते. ढोलकी आणि तबल्याच्या जुगलबंदीने कार्यक्रमाला प्रारंभ झाल्यानंतर आनंद शिंदे यांनी वडील दिवंगत गायक प्रल्हाद शिंदे यांच्या आठवणी जागवल्या. या गीताने सुरुवात करून, ‘भीमरायाचा आम्हाला स्वाभिमान आहे. छत्रपती शिवाजी महाराज या महाराष्ट्राची शान आहे’. तसेच विठ्ठल उमाप यांच्या ‘भीमाचे नाव विचारा तुम्ही आपल्या अंत:करणाला’, चंद्रकांत निरभवणे यांचे ‘शिवाजी जन्मला, हर हर महादेव बोला’, ‘आंबेडकरने हम दलितोंको इन्सान बनाया’ या गीतांबरोबरा ‘काय सांगू मेरी बरबादी गे; सुन मेरे आमिना दीदी’ या लोकगीताला उपस्थित तरुणांनी उत्स्फूर्त दाद दिली. ‘राजा राणीच्या जोडीला, पाच मजले माडीला; आहे कोणाचे योगदानं, सांगा कोणाचे योगदान लाल दिव्याच्या गाडीला’ या गीतालाही महिला आणि तरुणांनी वन्समोर दिला. मराठी लोकगीते, भीमगीते, शिवमहिना सांगणारी गीते आणि लोकप्रिय गीतांचा अनमोल नजराणा सादर करणार्‍या आनंद शिंदे आणि ग्रुपला रसिकांनी डोक्यावर घेतले. या वेळी सुनीता साळवे आणि बाल गायकांनी लोकप्रिय गीते सादर केली. प्रारंभी वकील संघाचे अध्यक्ष अँड. किशोर गिरवलकर, सरकारी अभियोक्ता ई.व्ही. चौधरी, अँड. खंदारे यांच्यासह विधी आणि सामाजिक क्षेत्रात योगदान देणार्‍यांचा रणजित लोमटे यांनी सत्कार केला.

अँड. किशोर गिरवलकर म्हणाले ,हा उपक्रम अंबाजोगाईच्या सांस्कृतिक व सामाजिक परंपरेला साजेसा असून रणजित लोमटे आणि त्यांच्या सहकार्‍यांची प्रशंसा केली. जत मनोरजंन आणि प्रबोधनात्मक कार्यक्रमाचे आयोजनाने शहराच्या सौंदर्यात आणि वैचारिक योगदानात भर घातली आहे, असे ते म्हणाले. शिक्षण विस्तार अधिकारी एस.एस. बगाटे यांनी शिवाजी महाराजांच्या जीवन कार्यावर आधारित कविता सादर केली.

जालना शिवजयंती २०१२

जालन्यात शिवजयंतीचा उत्साह

औरंगाबाद शिवजयंती २०१२

शिवजयंतीनिमित्त आज भरगच्च् कार्यक्रम

प्रतिनिधी । औरंगाबाद

छत्रपती शिवाजी महाराजांच्या 382 व्या जयंतीनिमित्त विविध कार्यक्रमांचे आयोजन करण्यात आले आहे. रविवारी दुपारी 4.30 वाजता संस्थान गणपती येथून मिरवणुकीस प्रारंभ होईल.

नवीन शहर शिवजयंती महोत्सव समितीतर्फे मोटारसायकल रॅली सकाळी 7.30 वाजता एन-4 येथील शिवाजी महाराजांच्या पुतळ्यास पुष्पहार अर्पण करून निघणार आहे. सकाळी 8 वाजता क्रांती चौक येथील महाराजांच्या पुतळ्यास जिल्हा शिवजयंती महोत्सव समितीच्या वतीने दुग्धाभिषेक करण्यात येईल. सकाळी 10 वाजता क्रांती चौकातून दुचाकी वाहन रॅली काढण्यात येईल. सकाळी 8.30 वाजता मुकुंदवाडी येथील शिवाजी महाराजांच्या पुतळ्याजवळ शिवशाहीर लक्ष्मण मोकासरे यांचा पोवाड्याचा कार्यक्रम सार्वजनिक शिवजयंती महोत्सव समिती एन-2 सिडकोच्या वतीने ठेवण्यात आला आहे. संस्थान गणपती येथून काढण्यात येणार्‍या मिरवणुकीत कोल्हापूर येथील युवा प्रतिष्ठान या पथकाद्वारे शिवकालीन कलेचे प्रात्यक्षिक सादर केले जाणार आहे. मिरवणुकीत शंभर युवकांचे झांज पथक व तीन लेझीम पथके सहभागी होणार आहेत. छावा मराठा युवा संघटनेतर्फे विविध कार्यक्रमांचे आयोजन करण्यात आले आहे. दुग्धाभिषेक, फळांचे वाटप, दुचाकी रॅली आणि सायंकाळी 6 वाजता गजानन मंदिर येथे देशभक्तिपर गीतांचा कार्यक्रम ठेवण्यात आला आहे.

शिवजयंती कार्यकारिणीच्या अध्यक्षपदी योगेश थोरात

गाजगाव । नुकतीच गाजगाव येथे शिवजयंती उत्सव समितीची बैठक पार पडली. यात शिवजयंती कार्यकारिणीच्या अध्यक्षपदी योगेश थोरात यांची निवड करण्यात आली आहे. कार्यकारिणी पुढीलप्रमाणे आहे. अध्यक्ष -योगेश थोरात, उपाध्यक्ष-नितीन डोंगरे, सचिव-पुंडलिक पाटेकर, कोषाध्यक्ष-सुनील थोरात, संघटक- राहुल डोंगरे, कार्याध्यक्ष- गणेश
डोंगरे, नियंत्रण अध्यक्ष- सचिन डोंगरे, सदस्य - गणेश थोरात, भारत गवळी, मुकेश धुमाळ, सुरेश पाटेकर, रमेश डोंगरे, सुरेश यवले, साईनाथ रावते, आदींची निवड करण्यात आली.

सातारा शिवजयंती २०१२

शिवजयंतीसाठी सातारा नागरी शिवमय

अहमदनगर शिवजयंती २०१२

जिजाऊंनी शिवरायांना घडविले : महापौर शिंदे

प्रतिनिधी । नगर

आई जिजाऊ यांनी छत्रपती शिवरायांना घडविले. जिजामाताच शिवरायांच्या गुरू आणि मार्गदर्शिका आहेत. आईच्या चांगल्या संस्कारामुळे सर्व जातीधर्मांना सामावून घेऊन शिवरायांनी राज्य निर्माण केले. जिजाऊंच्या आदर्श विचारांचे आचरण सध्याच्या आईने करण्याची गरज आहे, असे प्रतिपादन महापौर शीला शिंदे यांनी केले.

शिवजयंती उत्सवानिमित्त आयोजित व्याख्यानमालेचे उद्घाटन शिंदे यांच्या हस्ते झाले. यावेळी त्या बोलत होत्या. याप्रसंगी नगरसेवक निखिल वारे, दिलीप सातपुते, माजी नगराध्यक्ष शंकरराव घुले, नितीन शेलार, माधव मुळे, रार्जशी शितोळे, दशरथ शिंदे, जालिंदर बोरुडे, संगीता खरमाळे आदी उपस्थित होते.

संभाजी ब्रिगेडच्या वतीने शिवजयंती उत्सवानिमित्त येथील भिस्तबाग चौक, पुण्यश्लोक अहिल्याबाई होळकर मार्ग, सावेडी येथे दि. 17, 18 व 19 रोजी कार्यक्रमांचे आयोजन केले आहे. शुक्रवारी प्रसिद्ध इतिहास संशोधक प्रा. र्शीमंत कोकाटे म्हणाले, भारतासारखा इतिहास इतर कुठल्याही देशाला नाही. समाजापुढे आपला इतिहास चुकीच्या पद्धतीने मांडला जात आहे. या देशात आतापर्यंत अनेक शास्त्रज्ञ होऊन गेले आहेत. थोर समाजसुधारक महात्मा ज्योतिबा फु ले यांनी हिराबाग, पुणे यैथे शिवजयंती सुरूकेली. बहुजन यांचा इतिहास वाचा म्हणजे या गोष्टी समजतील.

शिवनेरी शिवजयंती २०१२

शिवनेरीवर आज शिवजन्मोत्सव सोहळा..







शिवनेरी: काल आणि आज